東方日報

中環出更

接棒反吸煙

盛讚文功

臨近年尾，一眾慈善團體莫不趁埋單計數之前發力籌款。早前九龍樂善堂舉辦慈善晚宴，為「慈善關懷基金」籌款，董事局成員及城中名流齊去支持。卓妮見到樂善堂兩位前主席鄺祖盛(Antonio)及劉文文（Lisa）企埋一邊密斟，細心一聽，原來是講緊香港吸煙與健康委員會（下稱委員會））嘅工作，致力反吸煙十幾年嘅Lisa，三個月前卸任委員會主席，由Antonio接棒。Anotonio賣口乖話，Lisa做得咁好，令拒好大壓力喔！

Lisa就笑笑口叫Anotonio唔使驚，話Anotonio仲有大把野做，問Lisa任內有麥也最難忘，身邊嘅食物及衛生局副局長陳肇始即刻鬼馬搶答，話系連加三次煙、稅喔。

前任成功減煙民比例

其實Lisa任內仲成功遊說政府推出多項反吸煙政策，成功將吸煙人口比例降低至個位數，都叫做交出一份靚成績表，但巨就話仍有好好多做嘢空間，例如將煙盒包裝上的圖像警示面積擴大，以收阻嚇性，仲有報攤等香煙銷售點仍以燈箱展示煙包，香港應該跟隨挪威等國明文禁止甘話。

「暗瘡剋星」種出番薯

至於該舍嘅常務總理兼暗瘡剋星楊小玲（Jackeline）當晚都有去撐場招呼朋友。一向追求健康嘅Jackeline喺屋企露台種出好多瓜菜，成日有收成，早幾日仲意外種出幾條大番薯，防埋一邊等干曬水後煲番薯糖水食，真系夠曬有機。

楊小玲屋企個露台如大菜園。

劉文文（右起）、陳肇始及鄺盛祖講起反吸煙，嘴型一致。

羅永順夫婦當晚忙住招呼賓客。